NA THE TRUTH BRO

 

sheybi you know 

life is not a bed of roses 

you must work before you chop 

but if grace dey for you 

you go chop belleful and you no work 

sheybi dem yarn you 

love is everything in this life 

make nobody whine you my bro 

love is not enough 

common sense and ego dey importanter

sheybi you dey see am for street 

orientation is everything 

you must dey calculate right left and centre 

book is not enough 

if you no get street OT you no wise 

sheybi you dey shine teeth 

babe tell you say she love you, you dey blush 

no yawa bro, your eye go soon peel 

babe wey dey give street on a steady 

you wan fall in love with? continue 

sheybi you dey see am for news 

our government this, our government that 

audio workings and Ai projects 

lying up and down, thinking say we be mumu 

e go soon be for them, aje 

sheybi e dey evident 

this government no send anybody papa 

borrow borrow sote dem don run us streets 

no yawa, that day don almost come 

men go mount, e go be 

sheybi their pikin dey see am 

how their papa and mama dey move anyhow 

when he reach our turn to vex 

we no wan hear “I am sorry”

hand go touch them, even their unborn pikin

@talk2leigh

(X & insta)

6:56am 

22 Oct 2025